维多利亚1号事件

我一直认为彭浩翔係一个华语影坛最出色的嘅现代电影导演，无论係文艺片，伦理片，还係言情小清新，一样可以轻松驾驭，轻松出经典。呢次，彭导意想唔到咁为我哋奉上咗一出记忆中可能係华语界最难忘嘅cult大片，领衔主演嘅係何鸿燊个女同E神。

电影主旨係想借一场血腥嘅“十一尸，十二命”灭门案抨击香港疯狂嘅楼市，暗中亦有些许映射大陆嘅成分，但即使係我咁忠实嘅fans睇嚟，本片cult发泄嘅目的仍远强烈于社会意义。而言归正传，本片嘅cult戏实在拍得非常刺激，情色同暴力，血腥与煽动，所有最违背中国式社会主义和谐社会嘅元素应有尽有，当之无愧被列为三级片，各种核突至极嘅死法轮番上演，奉劝女士们谨慎观影。

除咗cult，本片第二个亮点係剪辑，无论係贯穿全片嘅时光穿插，定时不时交替叙述被害者与杀手活动嘅希区柯克式平行蒙太奇，都衔接得张弛有度，令电影紧张刺激嘅气氛更上一层楼。

“维多利亚一号”刚刚作出了一个艰难的决定
转载请注明网址: https://www.gbackup.cn/a/139.html